Менделеевск районында полициянең яңа җитәкчесе билгеләнде

Р.Бәдретдиновка 37 яшь, Яр Чаллыда туган. 2004 елда Россия ЭЭМ Казан юридик институтын тәмамлаган. 2008дән 2010 елларда Чаллының Эчке эшләр идарәсендәге җинаятьләрне эзләүдә төрле вазифаларда эшләгән. 2010-2012 елларда – 3 нче «Центральный» ОП начальнигы урынбасары, 2012дән 2015 елларда – җинаятьләрне эзләү начальнигы, 2015 елда начальник статусында «Центральный»га кайта. 2017 елның июненнән Надир Закировның урынбасары. «Традицион каратэ буенча спорт мастеры» һәм «кул көрәше буенча спорт мастеры» исемнәренә ия.